Янги ўқув йили арафасида Ўзбекистон Республикаси Ҳуқуқни муҳофаза қилиш академиясида ходимларга мукофот ва рағбатлантиришларни топширишга бағишланган тантанали маросим бўлиб ўтди.
Тадбирда Ўзбекистон Республикаси Бош прокурори ўринбосари С.И. Самадов сўзга чиқди. У жамоага табрик сўзи билан мурожаат қилиб, ходимларга мукофот ва рағбатлантиришларни шахсан топширди.
Маросимда ходимларга Ўзбекистон Республикаси Президентининг тегишли Фармони билан таъсис этилган “Ўзбекистон Республикаси Мустақиллигининг 35 йиллиги” эсдалик нишони тантанали равишда топширилди.
Маросим доирасида ходимларга даражали унвонлар ҳам берилди. Шунингдек, самарали меҳнати ва Академия фаолиятига қўшган ҳиссаси учун ташаккурномалар ҳамда фахрий ёрлиқлар топширилди.
Янги ўқув йили арафасида ўтказилган тақдирлаш маросими ходимларнинг хизмат вазифаларига масъулиятли муносабати ва эришган натижаларига билдирилган юксак эътироф ифодаси бўлди.