Ҳозирги вақтда Академия фаолиятига спорт ва жисмоний тарбия соҳасидаги мутахассисни вақтинчалик асосда жалб қилиш зарурати мавжуд. Талабгор томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома тузилади.
Мутахассиснинг вазифалари:
Академия тингловчилари ва талабалари ўртасида ўтказиладиган спорт мусобақалари ҳамда тадбирларнинг календарь режаларини ишлаб чиқиш бўйича тегишли тавсиялар бериш;
Академия талабалари, тингловчилари ва ходимларининг жисмоний тайёргарлигини оширишга қаратилган спорт-соғломлаштириш тадбирларини ташкил этиш ва ўтказишда кафедрага амалий ёрдам кўрсатиш;
Академия спорт клуби фаолиятини ташкил этиш, мувофиқлаштириш ва ривожлантириш, шунингдек, унинг йиллик иш режасини ишлаб чиқиш бўйича таклиф ва тавсиялар бериш;
спортнинг якка ва жамоавий турлари бўйича тўгараклар ва секциялар фаолиятини ташкил этиш ҳамда мунтазам машғулотлар ўтказишда услубий ёрдам кўрсатиш;
талабалар ва тингловчиларнинг спортга қизиқиши ва қобилиятини ўрганиш, иқтидорли спортчи талабаларни саралаш ҳамда улар билан индивидуал ва гуруҳли машғулотлар ташкил этишга кўмаклашиш;
Академияда курслар, факультетлар, гуруҳлар ва жамоалар ўртасида спорт мусобақаларини ташкил этиш ва ўтказишда кафедрага услубий ёрдам кўрсатиш;
Академия терма жамоаларини шакллантириш, уларни мусобақаларга тайёрлаш ҳамда уларнинг республика ва идоралараро спорт мусобақаларида иштирокини таъминлашда кафедрага услубий ёрдам кўрсатиш;
талабаларнинг умумий жисмоний тайёргарлигини, жумладан, куч, тезкорлик, чидамлилик ва чаққонлик сифатларини ривожлантиришга қаратилган машғулотлар режасини ишлаб чиқиш бўйича тавсиялар бериш;
ҳуқуқни муҳофаза қилувчи органлар фаолияти учун зарур жисмоний сифатларни ривожлантиришга қаратилган амалий-жисмоний тайёргарлик машғулотларини ташкил этишда кафедрага услубий ёрдам кўрсатиш;
Академияда соғлом турмуш тарзи, оммавий спорт ва жисмоний фаолликни тарғиб қилувчи тадбирлар ҳамда спорт фестивалларини ташкил этишда кафедрага услубий ёрдам кўрсатиш;
спорт федерациялари, таълим муассасалари ва бошқа ташкилотлар билан ҳамкорликни йўлга қўйиш бўйича тавсиялар бериш.
Номзодга қўйиладиган талаблар:
спорт ва жисмоний тарбия соҳасида тегишли дипломга эга бўлиш;
спорт ва жисмоний тарбияни ўқитиш соҳасида камида икки йиллик иш тажрибасига эга бўлиш;
ўзбек, рус ва инглиз тилларини яхши билиш.
Бажариладиган иш муддати:
Мазкур ишни бажариш муддати 2 (икки) ойни ташкил этади.
Тўлов миқдори:
Бажарилган иш учун тўлов миқдори тарафлар келишуви асосида белгиланади. Тўлов иш натижасига кўра амалга оширилади.
Талаблар: ташаббускорлик, жамоада ишлай олиш, берилган топшириқларни ўз вақтида бажариш.
Иш вақти: ҳафтасига 20 соатни ташкил этади.
Талабгор Академиянинг Ҳарбий ва жисмоний тайёргарлик кафедрасига шахсан мурожаат қилиб, қуйидаги ҳужжатларни тақдим этиши лозим: фуқаролик паспорти ёки ID-карта, маълумотнома-объективка (резюме), олий маълумот тўғрисидаги диплом ва унинг иловаси, меҳнат дафтарчаси нусхаси, СТИР тўғрисидаги маълумотнома.
Тақдим этилган ҳужжатлар ўрганиб чиқилгандан сўнг, заруратга кўра, талабгор билан танлов комиссияси томонидан суҳбат ўтказилади.
Ҳужжатларни топшириш муддати: 2026 йил 20 сентябрга қадар.