Бердақ номидаги Қорақалпоқ давлат университети профессор-ўқитувчилари учун қисқа муддатли ўқув курслари ўтказилди

Жорий йилнинг 29 январдан 1 февраль кунига қадар Бош прокуратура Академиясида ҳамкор ташкилотлар иштирокида Бердақ номидаги Қорақалпоқ давлат университети профессор-ўқитувчилари ва Қорақалпоғистон Республикаси прокуратура органларида ходимлар билан ишлашга масъул ходимлари учун қисқа муддатли ўқув курслари ўтказилди.

Мазкур ўқув курсларида қонунлар ижроси устидан прокурор назоратини ташкил этиш, судларда ишлар кўрилишида прокурор ваколатини таъминлашни такомиллаштириш, бошқаришнинг психологик асослари, нотиқлик маҳорати, таълим жараёнида интерфаол методлардан фойдаланиш, андрагогик таълим принциплари бошқа йўналишларида билим ва кўникмаларини янада оширишга қаратилди.

Ўқув курслари жараёнида илғор тажрибаларини ўрганиш мақсадида Тошкент давлат юридик университети, Жаҳон иқтисодиёти ва дипломатия университети, Тошкент шаҳридаги Халқаро Вестминстер университетларида сайёр машғулотлар ўтказилди.

Ўқув курслари якунида келгусида Қорақалпоғистон Республикаси прокуратура органлари ходимларнинг билим ва кўникмаларини янада ошириш, Қорақалпоғистон Республикаси прокуратураси ходимлари учун масофавий шаклда ташкил этиш мақсадида қисқа муддатли ўқув курсларнинг ўқув дастурлари, ўқув-методик таъминотини ишлаб чиқиш ва бу борада вебинар, видеоконференциялар ташкил этиш жараёнида мунтазам ҳамкорлик қилишга келишилди.

Курслар якунида иштирокчиларга тегишли сертификатлар топширилди.