Berdaq nomidagi Qoraqalpoq davlat universiteti professor-o'qituvchilari uchun qisqa muddatli o'quv kurslari o'tkazildi

Joriy yilning 29 yanvardan 1 fevral kuniga qadar Bosh prokuratura Akademiyasida hamkor tashkilotlar ishtirokida Berdaq nomidagi Qoraqalpoq davlat universiteti professor-o'qituvchilari va Qoraqalpog'iston Respublikasi prokuratura organlarida xodimlar bilan ishlashga mas'ul xodimlari uchun qisqa muddatli o'quv kurslari o'tkazildi.

Mazkur o'quv kurslarida qonunlar ijrosi ustidan prokuror nazoratini tashkil etish, sudlarda ishlar ko'rilishida prokuror vakolatini ta'minlashni takomillashtirish, boshqarishning psixologik asoslari, notiqlik mahorati, ta'lim jarayonida interfaol metodlardan foydalanish, andragogik ta'lim printsiplari boshqa yo'nalishlarida bilim va ko'nikmalarini yanada oshirishga qaratildi.

O'quv kurslari jarayonida ilg'or tajribalarini o'rganish maqsadida Toshkent davlat yuridik universiteti, Jahon iqtisodiyoti va diplomatiya universiteti, Toshkent shahridagi Xalqaro Vestminster universitetlarida sayyor mashg'ulotlar o'tkazildi.

O'quv kurslari yakunida kelgusida Qoraqalpog'iston Respublikasi prokuratura organlari xodimlarning bilim va ko'nikmalarini yanada oshirish, Qoraqalpog'iston Respublikasi prokuraturasi xodimlari uchun masofaviy shaklda tashkil etish maqsadida qisqa muddatli o'quv kurslarning o'quv dasturlari, o'quv-metodik ta'minotini ishlab chiqish va bu borada vebinar, videokonferentsiyalar tashkil etish jarayonida muntazam hamkorlik qilishga kelishildi.

Kurslar yakunida ishtirokchilarga tegishli sertifikatlar topshirildi.