Ҳозирги вақтда Академиянинг Судларда прокурор ваколатини таъминлаш ва ижро иши юритуви кафедрасига илмий-таълимни қўллаб-қувватлаш бўйича мутахассисни вақтинчалик асосда жалб қилиш зарурати мавжуд.

Талабгор тақдим этган ҳужжатлар маъқулланган ва у танловдан муваффақиятли ўтган тақдирда, талабгор билан Академия ўртасида икки томонлама фуқаролик-ҳуқуқий шартнома имзоланади.

Мутахассиснинг вазифалари:

кафедрага бириктирилган модуллар бўйича ўқув режалари, дастурлар ва ўқув-методик мажмуаларни таҳлил қилиш ҳамда уларни такомиллаштириш юзасидан таклифлар бериш;

кафедра йўналишларига оид янги модуллар бўйича яратиладиган ўқув-методик мажмуаларни ўрганиш ва таҳлил қилиш ҳамда уларни такомиллаштириш юзасидан таклифлар ишлаб чиқиш;

модуллар доирасида казуслар, мантиқий ва тест саволлари, шунингдек, амалий топшириқлар базасини шакллантириш бўйича услубий тавсиялар бериш;

кафедрага бириктирилган модулларга оид электрон таълим материалларини тайёрлаш бўйича услубий тавсиялар бериш;

ўқув-методик материалларни таҳлил қилиш ва замонавий педагогик технологияларни жорий этиш бўйича услубий тавсиялар ишлаб чиқиш;

модуллар доирасида ўтказилган машғулотлар юзасидан талабаларнинг фикр-мулоҳазаларини ўрганиш ҳамда натижалар асосида ўқув модулларини такомиллаштириш бўйича таклифлар бериш;

дарс жараёнларини таҳлил қилиш ва кафедра профессор-ўқитувчиларига замонавий педагогик технологияларни жорий этиш бўйича тавсиялар бериш.

Номзодга қўйиладиган талаблар:

юриспруденция таълим йўналиши бўйича бакалавр даражасидаги олий маълумотга эга бўлиш;

ўзбек ва рус тилларида маъруза, семинар ва бошқа ўқув машғулотларини эркин олиб бориш малакасига эга бўлиш;

тегишли соҳада етарли назарий ва амалий билимларга эга бўлиш;

педагогик фаолиятни амалга ошириш учун зарур касбий, ташкилотчилик, коммуникатив ва таҳлилий қобилиятларга эга бўлиш;

замонавий ахборот-коммуникация технологияларидан самарали фойдалана олиш.

Бажариладиган иш муддати:

Ишни бажариш муддати 3 (уч) ойни ташкил этади.

Тўлов миқдори:

Бажарилган иш учун тўлов миқдори тарафлар келишуви асосида белгиланади ва иш натижасига кўра тўланади.

Қўшимча талаблар:

Ташаббускорлик, жамоада самарали ишлай олиш ва берилган топшириқларни ўз вақтида бажариш.

Иш вақти:

Иш вақти тарафлар келишуви асосида белгиланади.

Ҳужжатларни топшириш тартиби:

Талабгор Академиянинг Судларда прокурор ваколатини таъминлаш ва ижро иши юритуви кафедрасига шахсан мурожаат қилиб, қуйидаги ҳужжатларни тақдим этиши лозим:

фуқаролик паспорти ёки ID-карта;

объективка (резюме);

олий маълумот тўғрисидаги диплом ва унинг иловаси;

меҳнат дафтарчасининг нусхаси;

солиқ тўловчининг идентификация рақами (СТИР) тўғрисидаги маълумотнома.

Тақдим этилган ҳужжатлар ўрганиб чиқилганидан сўнг, заруратга кўра, талабгор билан танлов комиссияси томонидан суҳбат ўтказилади.

Ҳужжатларни топшириш муддати: 2026 йил 25 сентябрга қадар.