Академия раҳбарияти, ходимлари ва талабалари иштирокида атроф-муҳитни асраш, экологик маданиятни юксалтириш ва соғлом турмуш тарзини тарғиб этишга қаратилган навбатдаги плоггинг акцияси ўтказилди. Ушбу ташаббус жисмоний фаолликни ҳудудни чиқиндилардан тозалаш билан уйғунлаштирди.

Акция давомида иштирокчилар 3,75 километр масофани босиб ўтиб, йўналиш бўйлаб чиқиндиларни йиғдилар. Натижада 104 қоп чиқинди тўпланди, 87 та пластик идиш эса қайта ишлаш учун топширилди.

Экологик йўналиш Академия фаолиятида устувор аҳамиятга эга. Плоггинг акцияси талабаларни табиатни асрашга бевосита ҳисса қўшишга жалб этиб, экологик масъулиятни амалий ҳаракат орқали намоён қилди.