Ўзбекистон Республикаси Марказий банкининг 2026–2027 ўқув йили учун махсус стипендияси танловида республика бўйича 1 562 нафар талаба иштирок этди. Уларнинг 77 нафари стипендияга муносиб деб топилди. Стипендия соҳиблари орасида Ҳуқуқни муҳофаза қилиш академияси магистратураси тингловчиси Хўжақулова Васлия Зафардиёровна ва Бакалавриат факультетининг 4-босқич талабаси Кушмаков Расулбек Тошматжонович ҳам бор.
Ушбу эътироф талабаларнинг ўқишдаги ва чет тилларини билишдаги юқори натижалари, илмий-тадқиқот фаоллиги, шунингдек, миллий ва халқаро мусобақалардаги ютуқларини намоён этади.
Академия талабаларни табриклайди ва уларга келгуси фаолиятида, илмий изланишларида муваффақиятлар тилайди.
