Ўзбекистон Республикаси Ҳуқуқни муҳофаза қилиш академияси ҳузуридаги DSc.24/2026.31.01.Yu.01.02 рақамли Илмий кенгаш мажлисида Академия катта ўқитувчиси Баҳодиров Ўткирхон Бахриддинович томонидан 12.00.09 – «Жиноят процесси. Криминалистика, тезкор-қидирув ҳуқуқи ва суд экспертизаси» ихтисослиги бўйича юридик фанлар бўйича фалсафа доктори (PhD) илмий даражасини олиш учун тақдим этилган «Ўзлаштириш ёки растрата йўли билан талон-торож қилиш жиноятларини тергов қилишни замонавий тенденциялар асосида такомиллаштириш» мавзусидаги диссертация иши ҳимоя қилинди.

Тадқиқотда мазкур турдаги жиноятларни тергов қилиш сифатини ошириш, рақамли технологиялардан фойдаланиш ва идоралараро ҳамкорликни ривожлантириш масалалари ўрганилди.

Диссертацияда ушбу тоифадаги жиноятларни ихтисослаштирилган тартибда тергов қилиш, терговчилар учун услубий қўлланмалар ва амалий алгоритмлар ишлаб чиқиш, шунингдек, етказилган мулкий зарарни қоплаш чораларини такомиллаштиришга оид таклифлар илгари сурилди. Ҳимоя натижаларига кўра, Илмий кенгаш диссертация ишини маъқуллади.

Академия жамоаси Баҳодиров Ўткирхон Бахриддиновични диссертация ҳимояси билан самимий табриклаб, илмий ва касбий фаолиятида муваффақиятлар тилайди.