Ўзбекистон Республикаси Транспорт прокуратурасида онлайн ўқув машғулоти ташкил этилди

Ўзбекистон Республикаси Бош прокуратураси Академияси ва Ўзбекистон Республикаси Транспорт прокуратураси ўртасида 2020 йилнинг 2-ярмида ҳамкорликда ходимларни малакасини ошириш бўйича тузилган ишчи ўқув режаси доирасида Академия профессор-ўқитувчилари томонидан онлайн ўқув машғулоти ташкил этилди.

Ўқув машғулотида Транспорт прокуратураси марказий маҳкамаси ходимлари ҳамда онлайн тарзда ҳудудий транспорт прокуратуралари ходимлари иштирок этдилар. Мазкур машғулот тергов амалиётида юзага келадиган муаммолар ва уларнинг ечимига бағишланди ҳамда интерактив тарзда савол-жавоб ва мунозаралар шаклида ўтказилди.

Ҳамкорликдаги ишчи ўқув режаси доирасида шунга ўхшаш амалиётга йўналтирилган ўқув тадбирларини мунтазам тарзда ўтказилишига келишиб олинди.