Криминалистика ва суд экспертизасига оид малака ошириш курси бошланди

Бош прокуратура Академиясида Қорақалпоғистон Республикаси, вилоятлар ва Тошкент шаҳри прокуратуралари, шунингдек Транспорт ва Ҳарбий прокуратураларнинг ўта оғир жиноятларни тергов қилиш бўлимлари терговчилари иштирокида “Криминалистика ва суд экспертизаси” мавзусида масофавий малака ошириш курси бошланди.

Курс дастури криминалистик техника, тактика, экспертиза текширувлари учун намуналар олиш, экспертиза ўтказиш масалаларини қамраб олган.

Ўқув курси машғулотлари доирасида шунингдек судгача бўлган босқичда тергов ҳаракатларини ўтказиш жараёни, криминалистик техник воситалардан фойдаланиш, тергов режасини тузиш, криминалистик версияларни шакллантириш, тергов ҳаракатларини ўтказиш тартибига оид машғулотлар ўрин олган.  

Мазкур масофавий ўқув курси терговчиларнинг замонавий тергов услубларини қўллаш борасида билим ва кўникмаларини мустаҳкамлаш орқали тергов сифатини оширишга қаратилган.