Ўзбекистон Республикаси Ҳуқуқни муҳофаза қилиш академиясида Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар академияси Олий ўқув юртидан кейинги таълим институти директори Рустем Нугманов ҳамда Қозоғистон Республикаси Молиявий мониторинг агентлиги вакили билан учрашув бўлиб ўтди.

Учрашувда академик мобилликни кенгайтириш, кадрларни тайёрлаш ва уларнинг малакасини ошириш соҳасида тажриба алмашиш, қўшма таълим ва икки дипломли дастурларни амалга ошириш имкониятлари, шунингдек, қўшма илмий тадбирларни ташкил этиш масалалари муҳокама қилинди.

Учрашув якунида томонлар мулоқотни давом эттириш ва ўзаро манфаатли йўналишларда ҳамкорликни янада кенгайтиришга келишиб олдилар.

Учрашув Академияда БМТнинг Наркотиклар ва жиноятчилик бўйича бошқармаси билан ҳамкорликда ўтказилган минтақавий тренинг доирасида бўлиб ўтди.