Ўзбекистон Республикаси Ҳуқуқни муҳофаза қилиш академияси ва ЕХҲТ ҳамкорлигида ўтказилган икки кунлик тренинг якунланди. Унда ҳуқуқни муҳофаза қилиш фаолиятида, жумладан терроризмга қарши курашишда сунъий интеллектдан масъулиятли ва ахлоқий фойдаланиш масалалари муҳокама қилинди.

Тренинг очилишида Академиянинг Рақамли криминалистика илмий-тадқиқот институти бошлиғи Сардор Урозбаев, ЕХҲТнинг Ўзбекистондаги лойиҳалар координатори, элчи Антти Карттунен, Германия Федератив Республикасининг Ўзбекистон Республикасидаги Фавқулодда ва Мухтор Элчиси Маттиас Фоллерт ҳамда хорижий экспертлар иштирок этди.

Машғулотларда инсон ҳуқуқларини таъминлаш, шахсий ҳаёт дахлсизлиги, тенглик ва камситмаслик, шахсий маълумотларни ҳимоя қилиш, инсон назоратини сақлаш ҳамда сунъий интеллект натижаларини танқидий баҳолаш масалалари кўриб чиқилди.

Тренинг иштирокчиларнинг сунъий интеллект воситаларини ҳуқуқни муҳофаза қилиш амалиётида қонуний ва хавфсиз қўллаш, инсон ҳуқуқларини ҳимоя қилиш ҳамда технологиялар натижаларини танқидий баҳолаш бўйича амалий кўникмаларини мустаҳкамлади.