Ўзбекистон Республикаси Ҳуқуқни муҳофаза қилиш академияси талабалари учун Олимпия шаҳарчасига танишув ташрифи ташкил этилди. Ташриф якунида мажмуа раҳбарияти билан талабалар ўртасида турли спорт турлари бўйича спартакиадани шу ерда ўтказишга келишиб олинди.

Талабалар яккакураш спорт турлари учун мўлжалланган заллар, замонавий велотрек, жамоавий спорт майдонлари ҳамда сув спорти мажмуасидаги бассейнлар билан танишди.

Ташриф мамлакатимизда спортни ривожлантириш ва оммавий спортни кенг тарғиб этиш учун яратилган шароитлар ҳақида талабаларнинг амалий тасаввурини кенгайтириш, уларни жисмоний тарбия ва спортга, соғлом турмуш тарзига рағбатлантиришга қаратилди.