Ўзбекистон Республикаси Ҳуқуқни муҳофаза қилиш академияси вакиллари Қозоғистон Республикасининг Остона шаҳрида бўлиб ўтган «Марказий Осиёда терроризмга оид ишлар бўйича суд жараёнларида электрон далиллардан фойдаланиш: тажриба алмашиш бўйича минтақавий амалий семинар»да иштирок этди. Семинар терроризмга оид жиноят ишларини тергов қилиш ва судда кўриб чиқишда электрон далиллар билан ишлаш масалаларига бағишланди.

Муҳокамаларда электрон далилларнинг жиноят процессидаги аҳамияти, улардан самарали фойдаланишнинг ҳуқуқий ва амалий жиҳатлари кўриб чиқилди. Иштирокчилар хорижий тажриба билан алмашиб, далилларни тўплаш ва баҳолашда учрайдиган муаммолар ҳамда уларни ҳал этиш ёндашувларини муҳокама қилди.

Электрон далиллар билан ишлаш амалиётини такомиллаштириш тергов жараёнида қонунийликка риоя этиш ва судда далилларга холис баҳо бериш учун муҳим. Остонадаги семинар ушбу масалалар бўйича минтақавий мулоқот ва тажриба алмашиш учун майдон бўлди.