Ўзбекистон Республикаси Ҳуқуқни муҳофаза қилиш академияси ва Мудофаа вазирлиги ўртасидаги ҳамкорлик меморандуми доирасида вазирлик ходимлари Академиянинг ўз электрон ахборот-таълим платформасида киберхавфсизлик ва рақамли криминалистика бўйича қисқа муддатли масофавий курсларда ўқишни бошлади.

Курслар киберхавфсизлик ва замонавий ахборот технологияларидан фойдаланиш, шунингдек, кибержиноятчиликка қарши курашишда рақамли криминалистика ускуналарини қўллашни қамраб олади.

Ўқув дастури ходимларнинг киберхавфсизлик бўйича билимларини мустаҳкамлаш, сунъий интеллект ва замонавий технологиялардан хавфсиз фойдаланиш, рақамли криминалистика ускуналарини амалиётда қўллаш кўникмаларини ривожлантиришга қаратилган.