Ўзбекистон Республикаси Ҳуқуқни муҳофаза қилиш академиясида талабаларнинг стартап ғоялари ва инновацион ишланмаларини тизимли қўллаб-қувватлаш ва уларни амалга оширишга алоҳида эътибор қаратиб келинмоқда.
Академиянинг тажрибали профессор-ўқитувчилар раҳбарлигида иқтидорли талабалар изланишлари ўз натижасини бермоқда.
Хусусан, Академия кафедра бошлиғи, PhD Насимбек Азизов ва бакалавриатнинг “Тергов фаолияти” йўналиши 2-босқич талабаси Шерзодбек Абдурашидов томонидан Ўзбекистон қонунчилигига таянган ҳолда ҳуқуқий саволларга жавоб бериш ва казусларни таҳлил қилишга мўлжалланган сунъий интеллект асосидаги NaSher AI боти яратилди.
Мазкур платформада фойдаланувчи вазиятни оддий сўзлар билан баён қилиши ёки овозли хабар юбориш орқали ўзинг ҳуқуқий муаммоли саволига тегишли қонунчилик нормаларига асосланган батафсил жавобни олади.
Бот жавобларини қонунчилик билан солиштириб текшириш ва зарурат бўлганда мутахассис билан маслаҳатлашиш тавсия этилади.
