Ўзбекистон Республикаси Ҳуқуқни муҳофаза қилиш академиясида навбатдаги китоб ярмаркаси ва махсус адабиётлар кўргазмаси ташкил этилди.

Ярмаркада бадиий адабиётлар, ҳуқуқни муҳофаза қилиш соҳасига оид илмий ва ўқув адабиётлари, таълим-тарбия йўналишидаги китоблар намойиш этилди. Уларнинг қаторида Академия ходимлари муаллифлигида ёзилиб, нашр этилган китоблар ҳам тақдим қилинди, улар иштирокчиларда алоҳида қизиқиш уйғотди.

Тадбир ходимлар ва тингловчиларнинг мутолаага қизиқишини ошириш, ўзбек тилидаги адабиётлар ва миллий маънавий меросга ҳурматни мустаҳкамлаш, ходимларнинг илмий-ижодий фаолиятини қўллаб-қувватлаш ҳамда нашриётлар билан ҳамкорликни ривожлантиришга қаратилди.