Иқтисодий жиноятларга қарши курашиш департаменти мутахассислари учун ташкил этилган малака ошириш курслари якунланди

Иқтисодий жиноятларга қарши курашиш департаментининг ҳудудий бошқарма бошлиқлари ўринбосарлари учун ташкил этилган навбатдаги малака ошириш курси якунланди.

Ўқув курси дастури иқтисодий жиноятларнинг олдини олиш ва уларга қарши курашишни ташкил этиш, жиноий схемалар ва коррупцион қилмишларни аниқлашда тизимли таҳлил ва илғор усуллардан фойдаланиш, молиявий таҳлилни амалга ошириш, Департамент органларида бошқарув фаолиятини ташкил этиш каби мавзуларни қамраб олган.

Малака ошириш курси якуни бўйича якуний имтиҳон масофавий шаклда ўтказилиб, курсни муваффақиятли якунлаган тингловчиларга электрон QR-кодли сертификатлар топширилди.