ХННТ “Buyuk Kelajak” экспертлари билан учрашув

2019 йилнинг 7-9 февраль кунлари Бош прокуратура Академиясида, Иккинчи “Ўзбекистон 2035” Халқаро Форумига қатнашиш учун Ўзбекистонга ташриф буюрган ХННТ “Buyuk Kelajak” экспертлари иштирокида бир қатор учрашувлар ўтказилди.

Учрашувлар давомида, Бельгия, Буюк Британия, Финляндия, Франции каби давлатларининг ривожланган илмий-таълим ва тадқиқот муассасаларида ўз фаолиятини юрутувчи ватандошларимиз Академия фаолияти билан танишиб чиқишди.

Давлатимизда олиб борилаётган ислоҳотларда фаол қатнашаётган экспертлар ўқув жараёнига замонавий педагогик ва ахборот-коммуникация технологияларини, масофавий таълимни кенг жорий этишда эришилган натижаларни таъкидлаб ўтишди.

Ўтказилган учрашувларда меҳмонлар ўқув жараёнини такомиллаштириш, илмий тадқиқотларни ва лойиҳаларни амалга ошириш борасидаги тажрибалари ва фикрлари билан алмашишди.

Ушбу учрашувлар натижасида Академия фаолиятининг устувор йўналишлари бўйича халқаро ҳамкорликни кенгайтириш тўғрисида келишувга эришилди.