Академияда бўлажак ҳуқуқни муҳофаза қилувчи кадрларнинг хорижий тилларни билиш даражасини ошириш ва касбий мулоқот кўникмаларини ривожлантиришга қаратилган ишлар изчил олиб борилмоқда. Юридик инглиз тилини пухта ўзлаштириш мутахассисларга халқаро ҳамкорликда самарали мулоқот қилиш, хорижий ҳуқуқий тажриба ва манбалар билан ишлаш имконини беради.

Ушбу йўналишдаги машғулотлардан бири сифатида Ўзбекистон Республикаси Ҳуқуқни муҳофаза қилиш академиясида канадалик мутахассис Лоуис Траин иштирокида талабалар учун «Legal English» – юридик инглиз тили бўйича маҳорат дарси ташкил этилди.

Машғулотда ҳуқуқий атамаларни тўғри қўллаш, ҳуқуқий масалаларни инглиз тилида муҳокама қилиш ва касбий мулоқот олиб бориш кўникмаларига эътибор қаратилди. Талабалар халқаро ҳуқуқий мулоқотда қўлланиладиган тил бирликлари билан танишиб, уларни амалиётда қўллаш юзасидан билимларини бойитдилар.

Бу каби маҳорат дарслари талабаларнинг юридик инглиз тили бўйича билим ва кўникмаларини мустаҳкамлаш, шунингдек, халқаро профессионал муҳитда самарали мулоқот қилишга тайёрлашга хизмат қилади.