Ўзбекистон Республикаси Ҳуқуқни муҳофаза қилиш академиясида Янка Купала номидаги Гродно давлат университети (Беларусь Республикаси) юридик факультети декани С.Е. Чебуранованинг ташрифи бўлиб ўтди.

Ташриф Ҳуқуқни муҳофаза қилиш академияси ва мазкур университет ўртасидаги ҳамкорлик тўғрисидаги келишув доирасида амалга оширилди.

Учрашув давомида бакалавриат бўйича қўшма таълим дастурини амалга ошириш жараёни, талабаларнинг таълим олиши ва яшаш шароитлари, ўзлаштириш даражаси, шунингдек, абитуриентларнинг мазкур дастур бўйича таҳсил олишга бўлган қизиқиши муҳокама қилинди.

Шунингдек, магистратура йўналишида қўшма таълим дастурларини ривожлантириш, ҳамкорликда илмий тадқиқотлар олиб бориш ва академик тадбирларни ташкил этиш орқали ҳамкорлик кўламини янада кенгайтириш истиқболлари кўриб чиқилди.