Ўзбекистондаги Корея Республикаси эльчихонасининг вакиллари билан учрашув

2019 йил 8 февраль куни Бош прокуратура Академиясида Ўзбекистондаги Корея Республикаси эльчисининг маслаҳатчиси Ким Джу У билан учрашув ўтказилди.

Учрашув давомида масофавий таълимни ривожлантириш, жиноятчиликни олдини олиш ва коррупцияга қарши курашиш соҳаларида алоқаларни йўлга қўйиш борасида ҳамкорликни ўрнатиш истиқболлари муҳокама қилинди.

Ҳуқуқбузарликларни профилактика қилиш ва коррупцияга қарши курашиш соҳаларида Академия билан Корея Республикасининг ривожланган илмий-таълим марказлари билан қўшма ишлар олиб бориш механизмларини яратиш масалалари кўриб чиқилди.

Конструктив мулоқот якунида томонлар барча йўналишларда ҳар томонлама ва ўзаро қўллаб-қувватлашга  келишиб олишди.