Халқаро илмий муҳокамалар талабаларга назарий билимларини амалиётдаги вазифалар билан боғлаш, турли касбий ёндашувлар билан танишиш ва ўз хулосаларини асослаб тақдим этиш кўникмасини ривожлантириш имконини беради. Академия бакалавриат талабалари бундай тадбирларда фаол иштирок этиб, касбий дунёқарашини кенгайтирмоқда, ҳуқуқни муҳофаза қилиш фаолиятининг долзарб масалаларини хорижий экспертлар ва тенгдошлари билан муҳокама қилмоқда.

Шундай халқаро мулоқотлардан бири Саратов давлат юридик академияси ташкил этган давра суҳбати бўлди. Масофавий шаклда ўтказилган учрашув тергов фаолиятида юқори технологик криминалистика ютуқларига бағишланди.

Давра суҳбатида Академия бакалавриати талабалари, Қозоғистон вакиллари, жиноятларни тергов қилиш соҳасидаги амалиётчи мутахассислар ҳамда Саратов давлат юридик академияси талабалари қатнашдилар. «Тергов фаолияти» йўналишининг 1-босқич талабаси Шаҳзода Аҳмедова «Криминалистикада сунъий интеллект муаммолари: изларни аниқлашдан далилларни баҳолашгача» мавзусида маъруза қилди. Иштирокчилар унинг маърузасига юқори баҳо бердилар.

Муҳокама давомида Академия талабалари ўзларини қизиқтирган саволларга жавоб олдилар.