БМТнинг гиёҳвандлик ва жиноятчилик бўйича бошқармаси эксперти билан учрашув

Жорий йилнинг 7 февраль куни Бош прокуратура Академиясида натижага йўналтирилган бошқарув (RBM) масаласи бўйича БМТнинг гиёҳвандлик ва жиноятчилик бошқармаси (ГЖБ) экспертлик миссияси доирасида кузатув гуруҳи эксперти Джузеппе де Симон билан учрашув бўлиб ўтди.

Тадбирда БМТнинг ГЖБ экспертлик миссияси БМТнинг ГЖБ дастурлари ва лойиҳаларини режалаштириш, БМТнинг ГЖБ кўмаклашиш жараёнининг миллий стратегиялар билан мутаносиблиги юзасидан ҳамкорларнинг фикр-мулоҳазаларини ўрганиш йўли билан RBM ни амалга ошириш самарадорлиги ва натижадорлигини баҳолаш мақсадида ташкил этилганлиги таъкидлаб ўтилди.

Учрашув давомида ўрнатилган ҳамкорлик доирасида амалга оширилаётган лойиҳаларнинг самарадорлик даражаси, Академиянинг илмий-таълимий ва тадқиқотчилик салоҳиятини такомиллаштириш борасида эришилган ютуқлар ва бунда БМТ ГЖБ нинг роли масалалари кўриб чиқилди.

Муҳокамалар якунида БМТ ГЖБ билан ҳамкорлик лойиҳаларини амалга оширишда интенсивликни таъминлаш ва ўзаро фаолият сифатини яхшилаш бўйича тавсиялар берилди.