Илмий унвон талабгорлари учун махсус имтиҳон: стратегик ислоҳотлар эътибор марказида
ProAcademy
(71) 202-04-96
info@proacademy.uz
Заиф кўрувчилар учун

Янгиликлар

“Et docere et discere servitute legis”

Илмий унвон талабгорлари учун махсус имтиҳон: стратегик ислоҳотлар эътибор марказида

Ўзбекистон Республикаси Ҳуқуқни муҳофаза қилиш академиясида профессор ва доцент илмий унвонларига талабгорлар учун махсус имтиҳон ўтказилди. Комиссия талабгорларнинг давлат стратегик ҳужжатларига оид билимларини ва уларда белгиланган вазифаларни ўз касбий соҳасида амалга ошириш қобилиятини баҳолади.

Имтиҳон илмий унвонлар бериш тартиби тўғрисидаги низом талабларига мувофиқ, «Давлат ва жамият қурилиши тизимини такомиллаштириш, қонун устуворлиги, иқтисодиётни ривожлантириш ва либераллаштириш ҳамда ижтимоий ривожланишнинг илмий асослари ва амалий йўналишлари» фани бўйича ўтказилди. Комиссия таркибидан давлат ва жамият қурилиши, таълим ва фан, ҳуқуқни қўллаш ҳамда иқтисодиёт соҳаларида катта илмий ва амалий тажрибага эга олимлар ва экспертлар ўрин олди.

Имтиҳонда талабгорларнинг Президентнинг 2026 йил 16 февралдаги ПФ–21-сон Фармони билан тасдиқланган «Ўзбекистон – 2030» стратегиясининг янгиланган таҳрири ҳамда шу санадаги ПФ–22-сон Фармони билан тасдиқланган уни амалга ошириш бўйича давлат дастурига оид билимлари текширилди. Давлат дастури 2026 йил – «Маҳаллани ривожлантириш ва жамиятни юксалтириш» йили доирасида қабул қилинган. Шунингдек, талабгорларнинг ҳужжатларда белгиланган вазифаларни ўз касбий соҳасида амалга оширишга доир билим ва тажрибаси баҳоланди.

Ўзбекистон Республикаси Президентининг 2026 йил 26 майдаги «Янги авлод илмий кадрларини тайёрлаш ва уларни аттестация қилиш тизимини такомиллаштириш тўғрисида»ги ПФ–98-сон Фармони билан илмий кадрларни аттестациядан ўтказиш тизимини такомиллаштириш, Олий аттестация комиссиясини Фанлар академияси тизимига ўтказиш ҳамда илмий даража ва унвонларга қўйиладиган малака талабларини халқаро стандартларга мувофиқлаштириш вазифалари белгиланди. Махсус имтиҳон талабгорларнинг мамлакатда амалга оширилаётган ислоҳотлар мазмун-моҳиятини чуқур англаши ва бу билимларни илмий-педагогик фаолиятида қўллай олишини баҳолашга хизмат қилади.

Имтиҳонни муваффақиятли топширган 26 нафар талабгорга белгиланган намунадаги сертификатлар топширилди.

Telegram Facebook