Академияда прокуратуранинг 35 йиллигига бағишланган уч ҳафталик тадбирлар туркуми бошланди
ProAcademy
(71) 202-04-96
info@proacademy.uz
Заиф кўрувчилар учун

Янгиликлар

“Et docere et discere servitute legis”

Академияда прокуратуранинг 35 йиллигига бағишланган уч ҳафталик тадбирлар туркуми бошланди

16 ноябрь куни Ўзбекистон Республикаси Ҳуқуқни муҳофаза қилиш академиясида прокуратура органлари ташкил этилганининг 35 йиллигига бағишланган илмий-амалий ва таълим тадбирлари туркуми бошланди. Дастур мингдан ортиқ иштирокчи ва хорижий экспертлар қатнашиши кутилаётган 15 та тадбирни қамраб олади ва 4 декабрга қадар давом этади.

Дастурнинг илк тадбири ЕХҲТ кўмагида ташкил этилган, Марказий Осиёда кибержиноятчиликка қарши курашиш салоҳиятини оширишга қаратилган беш кунлик халқаро тренинг бўлди.

Тренингда Қозоғистон, Қирғизистон, Тожикистон ва Ўзбекистон ҳуқуқни муҳофаза қилувчи органларининг 23 нафар вакили иштирок этмоқда. Тўрт мамлакат мутахассислари Академияда компьютер криминалистикаси усулларини биргаликда ўзлаштириб, рақамли далиллар билан ишлаш кўникмаларини такомиллаштирмоқда.

Очилиш маросимида Академия бошлиғининг биринчи ўринбосари Е.В.Коленко, ЕХҲТ вакиллари ҳамда ташкилот экспертлари иштирок этди. Сўзга чиққанлар рақамли далиллар билан ишлаш бўйича амалий кўникмалар ва кибержиноятчиликка қарши курашишда Марказий Осиё давлатлари ўртасидаги ҳамкорлик муҳимлигини таъкидлади.

Машғулотларни ЕХҲТ экспертлари олиб бормоқда. Тренинг 20 ноябрга қадар давом этади.

Тадбирлар дастуридан халқаро ва республика конференциялари, семинарлар ҳамда давра суҳбатлари ўрин олган.

Унинг марказий тадбири – 26 ноябрь куни «Қонунийлик ва ҳуқуқ-тартиботни таъминлаш: замонавий чақириқлар ва янги ечимлар» шиори остида бошланадиган Tashkent Law Enforcement Forum – 2026 халқаро илмий-амалий форуми бўлади.

Telegram Facebook