БИЗНЕС ВА БОШҚАРУВ РЕСПУБЛИКА ОЛИЙ МАКТАБИ БИЛАН ҲАМКОРЛИК ТЎҒРИСИДА МЕМОРАНДУМ ИМЗОЛАНДИ

2019 йил 8 февраль куни Бош прокуратура Академияси ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактаби ўртасида ҳамкорлик тўғрисида Меморандум имзоланди.

Тадбир доирасида тарафлар кадрларни тайёрлаш, профессионал қайта тайёрлаш ва уларнинг малакасини оширишда ҳамкорликни ривожлантириш истиқболларини муҳокама қилдилар.

Томонлар ўзаро ҳамкорлик масалалари юзасидан коррупцияга қарши курашиш соҳасида давлат ва хўжалик бошқаруви органлари ходимларининг малакасини ошириш, прокуратура органлари фаолиятига лойиҳа бошқарувини жорий этиш, илмий-тадқиқот лойиҳаларида биргаликда иштирок этиш, ўқув-методик ишларда ўзаро илмий-амалий тажриба алмашиш, шунингдек кўрсатиб ўтилган йўналишлар бўйича масофавий ўқитишни ташкил этиш масалаларида ҳамкорликни мустаҳкамлаш истагини билдирдилар.