“Жиноятларни олдини олиш ва жиноий судлов ишлари тизими” мавзусидаги ўқув курсларида иштирок этилди

Машғулотлар Бирлашган Миллатлар Ташкилотининг Жиноятларни олдини олиш ва ҳуқуқбузарлар билан муомала қилиш Осиё ва Узоқ шарқ институтида (UNAFEI) ўтказилди.

Ўқув жараёнида жиноятларни олдини олиш ва жиноий судлов ҳақидаги Доха декларацияси қоидаларини ижро этиш бўйича халқаро чоралар, дискриминациянинг барча турларига оид миллий ва халқаро тенденциялар, камситишлар замирида содир этилган жиноятлар натижасида етказилган зарарни қоплаш тартиби, аёлларга нисбатан содир этилган зўрлик ҳолатларини бартараф этиш чоралари каби мавзулар ёритилди.

Дастур доирасида Япония Адлия вазирлиги, Бош прокуратураси, Олий суди, Киото прокуратураси, Киото полициясига ташриф уюштирилиб, уларнинг фаолияти билан яқиндан таништирилди. Японияда одил судлов жараёни, судларда жиноят ишларини кўриш тартиби ва ушбу жараёнларда ишлатиладиган замонавий техник воситалар ҳақида маълумотлар берилди.