Илмий фаолият нимадан бошланади?

2019 йил 11 февраль куни Бош прокуратура Академиясида Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан “Фан соати” лойиҳаси доирасида “Илмий тадқиқот методологиялари” мавзусига бағишланган семинар ўтказилди.

Семинарда Бош прокуратура Академияси ва ИИВ Академиясининг профессор-ўқитувчилари, докторантлари, мустақил изланувчилари ва фаолияти илмий тадқиқот билан алоқадор ходимлар қатнашди. Семинарда ИИВ Академиясининг олий ўқув юртидан кейинги таълим факультети бошлиғи, ф.ф.д, профессор Ш.О.Мамадалиев маъруза қилди.

Маърузачилар томонидан илмий тадқиқотнинг мақсад ва вазифаларини шакллантириш, объекти ва предметини белгилаш, унинг методлари бўйича батафсил маълумот берилди.