Шотландия судьялар институти ва АҚШ Федерал суд маркази билан давра суҳбати

Бош прокуратура Академиясида “Минтақавий мулоқот” халқаро нодавлат ташкилоти кўмагида Шотландия судьялар институти директори Алистер Дафф ва АҚШ федерал суд маркази катта юристи Стефани Хеммертлар билан давра суҳбати ташкил этилди.

Тадбирда Академия рахбарияти ва профессор-ўқитувчилари қатнашишди.

С.Хеммерт ўз маърузасида Федерал суд маркази фаолияти, профессионал юридик таълимни ташкил этиш, прокурорларнинг малакасини ошириш ва қайта тайёрлашга оид масалаларни ёритди ҳамда алоҳида эътиборни таълим моделлари, ўқитиш услублари, тингловчиларнинг малакасини оширишга қаратди.    

А.Дафф ўз маърузасида Шотландия суд тизими, Судьялар институти фаолияти ҳақида маълумот берди. Судьяларни профессионал тайёрлаш, катта ёшдагилар таълими ва билимларини бахолаш тизимининг ўзига хос хусусиятлари ҳақида маълумот берди.

Учрашув иштирокчилари ўзаро ҳамкорликнинг истиқболли йўналишларини муҳокама қилишди.