Олий аттестация комиссияси билан амалий ҳамкорлик

2019 йил 18 февраль куни Бош прокуратура Академиясида Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан “Фан соати” лойиҳаси доирасида “Илмий тадқиқот ишларига қўйилган талаблар” мавзусига бағишланган семинар ўтказилди.

Семинарда Бош прокуратура Академиясининг профессор-ўқитувчилари, докторантлари, мустақил изланувчилари ва фаолияти илмий тадқиқот билан алоқадор ходимлар қатнашди. Семинарда Ўзбекистон Республикаси Вазирлар Маҳкамаси ҳузуридаги Олий аттестация комиссияси раиси иқтисодиёт фанлари доктори, профессор А.Т.Юсупов маъруза қилди.

Маърузачи томонидан илмий тадқиқот ишларини амалга ошириш талаблари, уни амалга оширишдаги муаммолар ва уларнинг ҳал этишига оид масалалар бўйича батафсил маълумот берилди. Семинар иштирокчилари илмий тадқиқот жараёнларининг долзарб муаммоларига бағишланган муҳокамада фаол қатнашди.