Германия халқ университетлари ассоциациясининг Ўзбекистондаги вакиллиги бошлиғи иштирокида учрашув

2019 йилнинг 19 февраль куни Бош прокуратура Академиясида Германия халқ университетлари ассоциациясининг (DVV) Ўзбекистондаги вакиллиги бошлиғи Татьяна Заиченко билан учрашув бўлиб ўтди.

Учрашув жараёнида Ассоциация катта ёшдагиларга таълим бериш соҳасида етакчи эксперт ташкилоти ҳисобланиб, касбий тайёрлаш сифатини ошириш мақсадида маълумот ҳамда тажриба алмашиш имконини берувчи халқаро ҳамкорлик платформалар яратишда кўмаклашиб келаётганлиги таъкидлаб ўтилди.

Учрашув натижаларига кўра, тарафлар ўқитувчилар салоҳиятини ошириш, катта ёшдагилар учун масофавий таълим соҳасидаги ўқитувчи-тренерларни тайёрлаш ҳамда ҳуқуқбузарликларни олдини олиш борасида ҳамкорликда дастурларни ишлаб чиқиш ва амалга оширишни келишиб олишди.