Макс Планк номидаги хорижий ва халқаро жиноят ҳуқуқи институти директори билан бир қатор учрашувлар ташкил этилди

Бош прокуратура Академиясида Макс Планк номидаги хорижий ва халқаро жиноят ҳуқуқи институти (Германия) директори Ханс Йорг Альбрехт билан бир қатор учрашувлар ўтказилди.

Тадбирларда Бош прокуратура Академияси вакиллари, шунингдек жиноят қонунчилигини такомиллаштириш бўйича идоралараро ишчи гуруҳи аъзолари иштирок этишди.

Учрашувлар мобайнида жиноятларни таснифлашнинг халқаро амалиёти ва назарияси, жазо тизими, жазо тайинлашда ягона суд амалиётини таъминлаш мақсадида суд мониторинги услубиёти масалалари мухокама килинди.

Учрашувлар якунида хорижий ва халқаро жиноят ҳуқуқи институти экспертларини жиноят қонунчилигини такомиллаштириш ва қўшма тадқиқотларга жалб қилиш ҳақида келишилди.