Идоралараро ҳамкорлик алоқалари мустаҳкамланди

2019 йил 27 февраль куни Бош прокуратура Академияси ҳамда Ўзбекистон Республикаси Давлат солиқ қўмитаси ҳузуридаги Малака ошириш маркази ўртасида ҳамкорлик тўғрисида Меморандум имзоланди.

Тадбир доирасида тарафлар кадрларни тайёрлаш, профессионал қайта тайёрлаш ва уларнинг малакасини ошириш соҳасида ҳамкорликни ривожлантириш истиқболларини муҳокама қилдилар.

Томонлар ўқув жараёнига таълимнинг замонавий инновацион шакл ва усулларини жорий этиш, давлат солиқ хизмати органлари ходимлари учун масофавий таълим шаклидаги курсларни биргаликда ташкил этиш, ўзаро илмий-амалий тажриба алмашиш, ўта долзарб муаммолар юзасидан тадқиқотлар ўтказиш, ўтказиладиган машғулот ва тадбирларга тарафларнинг профессор-ўқитувчилар таркибини фаол жалб этиш масалаларида ҳамкорликни мустаҳкамлаш истагини билдирдилар.