Коррупцияга қарши курашишда юридик хизмати ходимларининг роли

Ўзбекистон Республикаси Президентининг 2018 йил 24 декабрдаги “Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида”ги ПҚ–4075-сонли Қарори ижросини таъминлаш мақсадида А.Авлоний номидаги Халқ таълими тизими раҳбар ва мутахассис ходимларини қайта тайёрлаш ва малакасини ошириш институтида “Ҳалқ таълими тизимида коррупцияга қарши курашиш, педагог ва ходимларнинг ҳуқуқий саводхонлигини оширишда юридик хизмати ходимларининг роли” мавзусида семинар бўлиб ўтди.

Тадбир Коррупцияга қарши курашиш Республика идоралараро комиссияси, Халқ таълими вазирлиги, Бош прокуратура Академияси, Адлия вазирлиги томонидан ташкил этилди ва унда 225 нафар халқ таълими тизими юридик хизмат ходимлари иштирок этди.

Тадбирда, Халқ таълими вазирининг биринчи ўринбосари А.Умаров, Бош прокуратура Академияси Коррупцияга қарши курашиш илмий-таълим маркази бошлиғи Б.Исмаилов, адлия вазирлигининг масъул ҳодимлари, ТДЮУ вакиллари сўзга чиқишди.

Семинар иштирокчиларига тизимда амалга оширилаётган ислоҳотлар, тизим ходимларига яратилган шароитлар ва коррупциявий жиноятларни олдини олиш борасида амалга оширилган ишлар тўғрисида маълумот берилди. Бундан ташқари, тадбир иштирокчиларига таълим тизимида мансабдор шахслар томонидан содир этилган коррупциявий жиноятлар тўғрисида маълумот берилиб, Ўзбекистон Республикаси Президентининг 2018 йил 24 декабрдаги “Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида”ги Қарори қабул қилинганлиги ҳамда унга асосан ҳар бир давлат органи ва ташкилоти томонидан фаолиятининг ўзига хос жиҳатларидан келиб чиққан ҳолда, хавфларни ҳамда жиноятларни содир этиш сабаб ва шароитларини аниқлаш ва уларнинг олдини олиш бўйича ўз стратегиясини (комплаенс-контроль) ишлаб чиқиш белганлиги тўғрисида таъкидланди.

Тадбирда халқ таълими соҳасида коррупцияга қарши курашиш бўйича ташкилий асосларни такомиллаштириш, соҳа ходимларининг коррупцияга қарши жиноятлар содир этилишини олдини олиш бўйича амалий таклифлар ишлаб чиқилди.