Қозоғистон Республикаси Бош прокуратураси қошидаги ҳуқуқни муҳофаза қилувчи органлар Академияси вакилининг танишув ташрифи

Ўрнатилган ҳамкорлик доирасида жорий йилнинг 26 февраль – 1 март кунлари Қозоғистон Республикаси Бош прокуратураси ҳузуридаги ҳуқуқни муҳофаза қилиш органлари Академиясининг бошқарма бошлиғи Д.Б.Умаргалиевнинг Бош прокуратура Академиясига танишув ташрифи амалга оширилди.

Ташриф давомида Д.Б.Умаргалиев прокуратура органларида номзодларни бирламчи ихтисослашув шаклида касбий қайта тайёрлаш дастурига қабул қилиш, ўқитиш ва таълим олаётган тингловчиларнинг билимларини баҳолаш жараёнига ҳамда Академияда мавжуд бўлган малака ошириш, олий ўқув юртидан кейинги таълим тизимларига, шунингдек “proAcademy” масофавий ўқитиш тизимини тадбиқ этишга алоҳида қизиқиш билдирди.

Тадбир якунида томонлар илмий-таълим муассасалари ўртасида имзоланган Меморандум доирасида ҳамкорлик йўналишларини янада кенгайтиришга тайёр эканликларини таъкидлаб ўтишди.