“Суриштирув ва дастлабки тергов фаолияти устидан назоратни амалга ошириш самарадорлиги масалалари” мавзусида ўқув курси

2019 йил 11 февралдан 28 февралга қадар Бош прокуратура Академиясида Қорақалпоғистон Республикаси, Тошкент шаҳар, вилоят прокуратуралари ва уларга тенглаштирилган прокуратураларнинг прокуратура органлари тергов тармоқлари фаолияти устидан назорат бўлими ҳамда ички ишлар органларида қонунчилик ижроси устидан назорат бўлими ходимлари иштирокида “Суриштирув ва дастлабки тергов фаолияти устидан назоратни амалга ошириш самарадорлиги масалалари” мавзусида ўқув курслари ташкил этилди.

Ўқув курслари Дастури асосида тингловчиларда прокуратура органлари фаолиятини ташкил этиш, қонунлар ижроси устидан назорат, содир этилган айрим воқеалар юзасидан терговга қадар текширув ўтказишнинг ўзига хос хусусиятлари, суриштирув ва дастлабки тергов ҳаракатларини амалга ошириш тактикаси, ҳуқуқбузарликлар профилактикаси ҳамда жиноятчиликка қарши курашишнинг назарий ва амалий кўникмалари шакллантирилди.

Суриштирув ва дастлабки тергов фаолияти устидан назоратни амалга оширишни ўрганишга йўналтирилган ушбу курслар давомида инновацион педагогик ва ахборот технологиялари, жумладан кейс-стади, имитация ролли ўйин, дебат каби ўқитиш шакллари ва методларидан фойдаланилди.

Ўқув курслари якунида тингловчиларга тегишли намунадаги сертификатлар топширилди.