Иқтисодий жиноятларга қарши курашиш департаменти суриштирувчилари учун малака ошириш курслари

Бош прокуратура Академиясида 2019 йил 18 февраль - 1 март кунлари Бош прокуратура ҳузуридаги Иқтисодий жиноятларга қарши курашиш департаментининг туман (шаҳар) бўлимлари суриштирувчилари учун малака ошириш курслари ташкил этилди.

Мазкур курслар дастури Иқтисодий жиноятларга қарши курашиш департаментининг туман (шаҳар) бўлимлари суриштирувчилари фаолиятида мавжуд бўлган тизимли муаммо ва камчиликларни таҳлил қилиш асосида шакллантирилди.

Ушбу курслар давомида солиқ соҳасидаги ислоҳотлар, Ўзбекистон Республикасининг солиқ сиёсатини такомиллаштириш концепцияси, банк-молия ва солиқ соҳаларида иқтисодий жиноятларга қарши курашишни ташкил этиш, иқтисодий жиноятлар ва коррупцияга қарши курашиш бўйича хорижий тажрибалар, терговга қадар текширув ва суриштирувни ташкил этишдаги долзарб муаммолар каби масалаларга алоҳида эътибор қаратилди.

Ўқув курслари якунида тингловчиларга тегишли намунадаги сертификатлар берилди.