Ёш тадқиқотчилар учун сабоқ

2019 йил 5 март куни Бош прокуратура Академиясида Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази томонидан “Фан соати” лойиҳаси доирасида “Илмий тадқиқотни баҳолаш усуллари” мавзусига бағишланган семинар ўтказилди.

Семинарда Бош прокуратура Академиясининг профессор-ўқитувчилари, докторантлари, мустақил изланувчилари ва фаолияти илмий тадқиқот билан алоқадор ходимлар қатнашди.

Семинарда Академия кафедраси доценти, юридик фанлари доктори В. Каримов маъруза қилди.

Маърузачи томонидан илмий тадқиқотни баҳолаш усуллари, ушбу усулларни амалга ошириш, уларнинг тадқиқот натижаларига таъсири, шунингдек диссертация тадқиқоти билан шуғулланиш жараёнида юзага келадиган масалалар ва уларнинг ҳал этишига оид тавсиялар бўйича батафсил маълумот берилди.

Мунозаралар очиқ ва қизғин суҳбат тарзида бўлиб ўтди.