Наманган вилояти прокуратура органлари ходимлари учун машғулотлар ўтказилди

Жорий йилнинг 4-5 март кунлари Бош прокуратура Академиясининг Прокурорлик фаолиятини психологик таъминлаш бўлими томонидан Наманган вилояти прокуратура органлари ходимлари учун «Тизимли таҳлил ва муаммолар ечими» мавзусида ўқув машғулотлари ўтказилди.

Машғулотларда Наманган вилоят прокуратура органлари ходимлари, туман (шаҳар) прокурорларининг ўринбосарлари ва ёрдамчилари иштирок этишди. Машғулотлар давомида прокурорлик касбий фаолиятида учраб турадиган долзарб муаммоларнинг тизимли ечимини топиш масалалари муҳокама қилинди.

Машғулотлар прокуратура органлари ходимлари фаолиятида вужудга келадиган энг долзарб кундалик муаммоларнинг фаол муҳокамасига тингловчиларни жалб этишга асосланган интерактив шаклда ўтказилди.

 Муаммо ва муаммоли вазиятларни аниқлаш, уларнинг диагностикаси ва классификацияси, муаммолар билан ишлаш технологиялари, шунингдек, муҳим муаммоларнинг муқобил ечимларини қидиришга алоҳида эътибор қаратилди.

Машғулотлар якунидаги тингловчилардан олинган қайта алоқа мазкур курс самарадорлигини кўрсатди.