Ички ишлар органлари ходимларининг малакасини оширишга масъул шахсларнинг педагогик маҳоратини кучайтириш

Жиноятларни фош этиш ва тезкор-қидирув фаолияти йўналишларида ишларни самарали ташкил этиш учун биринчи навбатда бажарилиши зарур бўлган амалий тадбирлар бўйича Йўл харитасининг 18-банди ижроси доирасида ички ишлар органлари ходимларининг малакасини оширишга масъул шахсларнинг педагогик маҳоратини кучайтириш мақсадида жорий йилнинг 5 март куни Бош прокуратура Академиясида ўқув машғулотлари ташкил қилинди.

Машғулотда Ўзбекистон Республикаси Ички ишлар вазирлиги Академияси “Ҳуқуқбузарликлар профилактикаси” кафедраси ҳамда Бош прокуратура Академияси профессор-ўқитувчилари иштирок этди.

Ушбу машғулотга ҳуқуқий таълим бўйича халқаро эксперт профессор Теодор Парналл, “Tetra Tech DPK” эксперти Зульфия Исмаиловалар таклиф қилинди.

Экспертлар томонидан ўқув машғулотларини ўтказиш услубиёти, ўқув жараёнини ташкил қилишда қўлланиладиган янги технологиялар, тингловчиларни баҳолаш мезонлари, модул тизими имкониятлари, ўқув дастурларни тузишда эътибор қаратилиши лозим бўлган жиҳатлар ҳақида маълумотлар берилди.

Қатнашчилар машғулот жараёнида ўзларини қизиқтирган саволларига жавоб олишди ва амалда ўқув жараёнида дуч келадиган муаммоли ҳолатларни муҳокама қилишди.