Жиноят ишларини судларда кўрилишида прокурор ваколатини таъминлаш масалалари

Ўзбекистон Республикаси Бош прокуратураси Академиясида “Жиноят ишларини судларда кўрилишида прокурор ваколатини таъминлаш масалалари” мавзусида Қорақалпоғистон Республикаси, Тошкент шаҳар, вилоят прокуратуралари ва уларга тенглаштирилган прокуратураларнинг соҳа йўналишида хизмат қилаётган  ходимлари иштирокида малака ошириш ўқув курслари тугалланди.

Ўқув машғулотлари жойлардаги муаммолар, йўналишда мавжуд бўлган тизимли камчиликлар ҳамда алоҳида ўрганилиши талаб этилган мавзулар доирасидан келиб чиқилган холда ташкиллаштирилди.

Ўқув машғулотлари давомида тингловчилар томонидан амалиёт материаллари, шу жумладан алоҳида тоифадаги жиноят ишлари бўйича шаклланган суд-прокурор амалиёти ҳужжатларидан фойдаланилган холда муҳокамага бир қатор масалалар қўйилиб, уларнинг ечимлари ҳамда ягона суд-прокурор амалиётини шакллантириш хусусида тавсия ва йўлланмалар берилди.

Шу билан биргаликда, ўқув машғулотларида амалдаги қонунчиликка киритилган янгиликлар ҳамда уларни қўллаш масалалари ёритилиб, тингловчиларга  туман (шаҳар) прокуратураларида соҳа бўйича ишларни тўғри ташкиллаштириш, уларга амалий ёрдам кўрсатиш, ҳисоботларни тўғри ва ҳаққоний юритиш масалаларида тушунтиришлар берилди.

Бундан ташқари, ўқув жараёни давомида Ўзбекистон Республикаси Бош прокуратураси ҳамда Ўзбекистон Республикаси Олий судининг тажрибали ходимлари иштирокида давра суҳбатлари ташкиллаштирилди.

Ўқув машғулотлари натижаси бўйича тингловчиларга тегишли намунадаги сертификатлар топширилди.