Европа Итифоқининг Ўзбекистондаги ваколатхонаси рахбари Э.Стипрайс билан учрашув

2019 йилнинг 11 март куни Бош прокуратура Академиясида Европа Иттифоқининг (ЕИ) Ўзбекистондаги ваколатхонаси рахбари, элчи Э.Стипрайс билан учрашув бўлиб ўтди.

Учрашув давомида Э.Стипрайс Академиянинг асосий фаолияти, шу жумладан прокуратура органлари ходимларини ўқитиш жараёни ва коррупцияга қарши кураш ҳамда жиноятларни профилактика қилиш ва олдини олиш соҳасида олиб борилаётган тадқиқолар билан танишди.

Шу билан бирга, масофавий таълимни жорий этиш, магистратура дастурини ишлаб чиқиш ва лойиҳавий бошқарувни имплементация қилиш бўйича Академияда олиб борилаетган ишлар муҳимлиги қайд этиб ўтилди.

Ўз навбатида, Э.Стипрайс “Қонун устуворлиги” минтақавий лойихаси доирасида амалга оширилаётган ишлар ҳакида маълумот бериб, Академияни ушбу лойихада иштирок этиш имкониятини қўриб чикишини таъкидлаб ўтди.

Учрашув якунида томонлар ҳамкорликнинг барча соҳаларида алоқаларни янада чуқурлаштиришга тайёр эканликларини билдиришди.