Академия ходимларининг АҚШга танишув ташрифи

Жорий йилнинг 2-8 март кунлари “Ҳудудий мулоқот” Халқаро нодавлат ташкилоти кумагида Бош прокуратура ва Академия ходимларининг Америка Қўшма Штатларига танишув ташрифи ташкил этилди.   

Танишув ташрифи давомида АҚШ Давлат департаментининг Марказий ва Жанубий Осиё масалалари бўйича Бюроси, шунингдек бошқа муассасалар билан хусусан Тинчлик институти, Пробация хизмати, ФТБ Академияси, интернет орқали содир этилаётган жиноятлар бўйича шикоятлар бериш Маркази ва жиноий одил судлов бўйича Ахборот хизмати вакиллари билан учрашувлар ташкиллаштирилди.  

Учрашув давомида делегация аъзолари ушбу муассасалар фаолиятининг ўзига хос хусусиятлари билан яқиндан танишиш имкониятига эга бўлдилар.

АҚШнинг пробация ва судга қадар хизмат кўрсатиш тизими ҳамда ФТБ Академиясининг ўқув жараёни шунингдек, жиноий одил судлов бўйича Ахборот хизмати бўлимининг ҳуқуқни муҳофаза қилувчи органларга ва уларнинг миллий хавфсизлик масалалари бўйича шерикларига тақдим этилаётган алоҳида хизматлар кўрсатиш фаолияти делегация вакилларида алоҳида қизиқиш уйғотди.

Ташриф якунида томонлар келгусидаги ҳамкорликни муҳокама қилишда ҳамда биргаликдаги ишларни олиб бориш соҳаларини белгилаб олишди.