Коррупцияга қарши курашиш соҳасида малака ошириш

2020 йил 20 октябрь куни Академияда АҚШнинг Ўзбекистондаги элчихонаси кўмагида Будапешт шаҳридаги (Венгрия) Халқаро ҳуқуқни муҳофаза қилувчи органлар академияси (ILEA) томонидан ташкиллаштирилган “Давлат секторида коррупция ва амалий ишлар таҳлили” мавзусида онлайн ўқув курси бўлиб ўтди.

Ўқув курси Албания, Болгария, Чехия Республикаси, Венгрия, Молдова, Словакия ва Ўзбекистон Республикаси вакиллари иштирокида АҚШ Адлия вазирлиги Федерал тергов бюросининг (ФТБ) инструкторлари томонидан ўтказилди.

Тадбирда Ўзбекистон Республикасидан Бош прокуратура, Коррупцияга қарши курашиш агентлиги ва Академия ходимлари иштирок этди.

Ўқув курс давомида коррупцияга оид жиноятларни тергов қилиш стратегиялари, ФТБнинг АҚШ давлат секторидаги коррупция жиноятларини тергов қилиш махсус усуллари муайян жиноят ишлари мисолида кўриб чиқилди.

Ўқув курси иштирокчилари томонидан унинг долзарблиги ва амалий аҳамияти қайд этиб ўтилди.