Германиянинг халқаро ҳамкорлик жамияти (GIZ) вакиллари билан бўлиб ўтган учрашув ҳақида

2019 йилнинг 15 март куни Бош прокуратура Академиясида Германиянинг халқаро ҳамкорлик жамияти (GIZ) раҳбари Йорг Пуделька ҳамда “Марказий Осиё давлатларида ҳуқуқий давлатчилик бўйича ҳамкорлик” лойиҳаси Дастури бўйича Ўзбекистондаги лойиҳа раҳбари Кристине Коре-Перконе билан учрашув бўлиб ўтди.

Учрашув маъмурий ва фуқаролик ҳуқуқи соҳаларида келгуси ҳамкорлик лойиҳаларини муҳокама қилиш мақсадида ўтказилди.

Учрашув якунида тарафлар тадбирлар ўтказиш, шунингдек, прокуратура органлари ходимлари малакасини ошириш мақсадида хорижий экспертларни жалб қилиш борасида ҳамкорлик қилишга тайёр эканликларини билдиришди.