Юнусобод тумани ички ишлар органлари ходимларининг билими, касбий тайёргарлиги ва масъулиятини оширишга доир ўқув курслари ўтказилди

Ўзбекистон Республикаси Президентининг 2019 йил 10 январда Юнусобод тумани 7-сон ички ишлар бўлимига ташрифи давомида берилган топшириқлар ижросини таъминлаш мақсадида 2019 йил 4 март кунидан 16 март кунига қадар Бош прокуратура Академияси томонидан Юнусобод тумани ички ишлар органлари ходимларининг билими, касбий тайёргарлиги ва масъулиятини оширишга доир ўқув курслари ташкил этилди.

Ўқув курслари дастурида тезкор-қидирув фаолиятини олиб боришнинг самарали усуллари, терговга қадар текширув, суриштирув ва тергов фаолиятини амалга оширишнинг айрим масалалари, ҳуқуқбузарликларнинг барвақт олдини олиш ва профилактикасини ташкил этишнинг долзарб масалалари, Ички ишлар вазирлиги органларида ишларни режалаштириш, ташкиллаштириш ва ижро интизомини мустаҳкамлаш масалалари ҳамда бошқа мавзулар киритилган бўлиб, ушбу курслар давомида Юнусобод тумани 7-сон ички ишлар бўлимида туман ички ишлар органлари тизимида фаолият кўрсатиб келаётган тезкор-қидирув, суриштирув, дастлабки тергов ва ҳуқуқбузарликларни олдини олиш тармоқлари ходимлари ўқитилди.

Ички ишлар органларини касбий билими ва малакасини оширишга йўналтирилган ўқув курслари Бош прокуратура Академияси, Ички ишлар вазирлиги ва Ички ишлар вазирлиги Академиясининг профессор ўқитувчилари ҳамда юқори тажрибага эга бўлган ходимлар томонидан ўтказилиб, ушбу курсларда инновацион педагогик ва ахборот технологияларидан фойдаланилди.