БМТнинг одил судлов ва жиноятчиликни олдини олиш дастури координатори билан учрашув ўтказилди

Жорий йилнинг 27 март куни Бош прокуратура Академиясида Бирлашган Миллатлар Ташкилотининг гиёҳванд моддалар ва жиноятчилик бошқармасининг (БМТ ГЖБ) одил судлов ва жиноятчиликни олдини олиш дастури координатори Бианка Копп билан учрашув ўтказилди.

Ушбу учрашув БМТ ГЖБнинг “Таълим ва одил судлов” (E4J) Ташаббуси билан Академия ўртасида ўрнатилган ҳамкорлиги доирасида амалга оширилди.

Учрашув давомида Бианка Копп терроризмни олдини олиш, коррупция ва кибержиноятчилик билан кураш ва ҳуқуқбузарликлар профилактикаси бўйича олий ва ўрта-махсус таълим учун йўналтирилган модулларни ўз ичига қамраб олган E4Jнинг янги ўқув материаллари ҳақида маълумот бериб ўтди.

Учрашув якунида томонлар юқорида келтириб ўтилган соҳалар доирасида ҳамкорликни давом эттириш ҳақида келишиб олишди.