Ҳуқуқбузарликлар профилактикаси юзасидан ўқув-услубий қўлланмалар ишлаб чиқиш бўйича муаллифлар жамоасининг йиғилиши

Ўзбекистон Республикаси Бош прокуратураси Академиясида жиноятчиликка қарши курашиш, жамоат тартибини сақлаш ва ҳуқуқбузарликлар профилактикаси соҳасида давлат ва маҳаллий бошқарув органларининг куч ва воситаларини мувофиқлаштириш ҳамда бу борада белгиланган тадбирларни самарали амалга оширилишини ташкиллаштириш учун ўқув-услубий қўлланмалар ишлаб чиқиш бўйича муаллифлар жамоасининг йиғилиши бўлиб ўтди.

Йиғилишда Ички ишлар вазирлиги Академияси, Қуролли кучлар Академияси, Миллий гвардия ҳарбий-техник институти, “Маҳалла” ва “Нуроний” жамғармалари, Хотин-қизлар қўмитаси ва Ёшлар иттифоқи вакиллари иштирок этди.

Тадбир давомида ахборот технологияларини кенг қўллаган ҳолда фуқароларнинг ўзини ўзи бошқариш органлари фаоллари ва жамоат ташкилотларини ҳуқуқбузарликлар профилактикасига жалб этишнинг усуллари ва ташкиллий шакллари, шунингдек мақсадли гуруҳлар билан ишларни ташкил қилиш масалалари муҳокама қилинди.

Иштирокчилар томонидан ҳуқуқбузарликларнинг олдини олиш ва бу борада илғор технологияларни қўллаш стратегиясини ишлаб чиқиш ҳамда амалга оширишда самарали ҳамкорлик бўйича энг яхши амалий мисоллар ва тавсияларни киритган ҳолда қўлланманинг амалий йўналишда бўлишини таъминлаш муҳимлиги қайд этиб ўтилди.