“Таълим муассасаларида зўравонлик профилактикасининг психологик асослари” мавзусида давра суҳбати

Ўзбекистон Республикаси Бош прокуратураси Академиясида Ўзбекистон Республикаси Халқ таълими вазирлиги ҳамкорлигида АҚШнинг  Анока Рамсей коллежи профессори, психология фанлари мутахассиси Лори Вулф иштирокида ўқувчилар ўртасида зўравонликнинг олдини олиш мавзусида давра суҳбати бўлиб ўтди.

Тадбирда Ички ишлар вазирлиги,  Мактабгача таълим вазирлиги, Хотин-қизлар қўмитаси, Миллий гвардия ҳарбий-техник институти, Тошкент Педиатрия институти ҳамда Бош прокуратураси Академияси вакиллари иштирок этдилар.

Учрашув давомида Лори Вулф таълим муассасаларида зўравонликларни таҳлил қилиш, вазиятни бартараф этишнинг илғор психологик усуллари ҳақида батафсил маълумот берди.

Давра суҳбатида иштирокчилар болалар ўртасида зўравонликка қарши курашиш соҳасида ҳуқуқий базани мустаҳкамлаш, кенг жамоатчиликни зўравонликка қарши курашиш ва унинг сабабларини ўрганишга жалб қилиш зарурлигини таъкидлади.